火都黎埋

今日手痕痕又打去旅行社問下個團既情況, xyz#%@!#^&, 今日條友居然答我人數都未夠, 吓, 咁即係之前條友仔耍客啦, 再唔係就係而家呢條友仔"烏啄啄"啦, 老實啦, 前言不對後語既回覆, 你都真係幾難叫我對你仲有信心囉, 唔好講你成唔成到團, 就算真係成到, 我對你間野既信心已經打晒折扣.

為免自己寶貴既假期就咁無左, 梗係做多手準備, 問多間穩陣, 地點改去內蒙古, 問左一間, 成團有位, 而家只要等間野覆實我可以回水我就即刻走過隔離報名架啦. 係我問緊資料既時候, 我聽到隔離一位阿太係另一間旅行社報左團, 都係唔成團, 要搵過其他, 但聽真d, 佢個間康x真係專業好多囉, 25號出發, 6號已經通知到你成唔成團啦, 大哥, 咁先係做野架, 顧客有自己本身既成本架, 下下都食到個客盡, 係啊, 你有例寫死左7日通知到我就吹你唔漲啊, 所以就拿到盡, 真係得番7日先通知我, 反正唔成團你一毫子都唔使蝕, 客人既損失? 關你鬼事個隻, 咁既服務態度, 你成唔成團都好, 我以後都唔會再幫襯你囉. 同埋, 我實係大小論壇同你大事宣揚你地呢份優秀既待客傳統.