^_^ 籌謀左一個禮拜既"反"(反, 玩也, 說文解字新篇 :-) )香港大遊行今日正式誓師超錯(對唔住, 起錨先啱). 以下係我地部份遊行路線既少少簡短報告.
第一站 石澳
係石澳夾道歡迎我地既係一系列前七系至寶馬系既名車(但唔知點解車主已經全部失蹤.)長長既石澳道完全俾我地同胞既愛車佔領. 有鑑於人數實在眾多, 為免引起大混亂, 我地六位正義之師最後決定移師到附近大浪灣(呢個係我地今次遊行既plan B路線.)
第二站 大浪灣
到左大浪灣其實情況都差無幾. 屈指一算, 香港好似已經係連續十幾日酷熱天氣警告. 難怪一到星期日, 沙灘就塞到水泄不通. 烈日當空之下, 企唔得幾耐人就已經頂唔順, 所以都係匆匆影兩張相就算.
(回程時發生小插曲, 有數名飛型青年居然唔守規矩, 有人企住都仲強行拍車. 哼, 唔係欺善怕惡係咩野? 又唔見你班友敢去搶對面神高神大既紋身漢企住個車位, 最憎呢d咁既人架啦.)
第三站 大潭篤"聯誼會"
自己一直都有一個信念, 當有樣野係遍尋不獲, 求極父神都唔俾你既時候, 其實係因為佢預備左另一個更加好既俾自己. 無辦法係石澳找到落腳地的我們, 只好隨著坐駕, 見步行步. 約十分鐘車程後, 我們來到了大潭郊野公園. 係呢度搵到一個相當陰涼既地方泊車, 於是, 莊Auntie就建議不如到家樂徑度走走啦.
相比起海, 其實我對山既依戀係更加深. (^_^ 因為我係一隻標準既陸地形生物, 除左幾年前好勇敢係泰國度同朋友係大海度學左一堂游水咁大把, (當然全程都由朋友照住.) 基本上我係連泳池都無落過架.) 而且, 相比起係烈日下既海灘暴曬, 係樹蔭下聊天, 玩玩小遊戲也許在這樣的天氣更是合適.
就咁睇都幾有世外桃園既feel
如此閒適既生活, 羨慕死香港人
整多張自然山景過大家睇下
係如此優美既環境襯托下, 我地一行六人亦玩得不亦樂乎, 要動動腦筋的紙牌遊戲, 再加上一些無傷大雅的戲謔, 這也許是另一番的寫意. ( :P 可惜的是那時的我亦是局中人, 早就已經沉醉在那一片的悠閒中了, 所以, 那番意景, 只能言傳, 不能錄之以影像了. ^_^ 而且, 感覺很多時候不是身在其中是難以感悟的, 那是一切的偶然與巧合之下的產品. (當然, 這只是人的理解, 一切的巧合, 不過是祂的一番美意.))
沒有留言:
張貼留言