點解香港"剩女"多

係yahoo睇到一篇關於香港"剩女"增多既報導, 睇完忍唔住寫番篇野恥笑下個位所謂學者. 呢條友真係短視到無人有, 而且鼠目寸光, 又捉唔住重點. 實在好難明白佢點做學者架. 點解咁講, 請先睇一下佢引用既一位佢認為係條件唔錯既剩女既例子先.

在投資銀行任職會計管理層的Amy（化名）是一名剩女，她今年38歲，沒有男朋友，她一直等候「白馬王子」出現，惜過去10年一直未有遇上。

Amy條件不俗，目前月入20多萬元，家住半山，市值2,800萬元，平日以Benz跑車代步。她工作忙碌，工時亦長，每日朝9晚9，趕數時更要一直工作至凌晨，有時朋友聚會也因工作而臨時「甩底」。

她認同工時長無疑扼殺女性結識異性機會，但在她眼中，最大問題是︰「要找一位有學識、見地，收入和家庭背景和我差不多的男仔，真的很難。如果條件不好，我寧願自己一個，和朋友去歐遊、打golf歎世界！」

有無發覺我地Amy 小姐有咩野問題? 真係工時太長? No 啦, 佢既第一死穴係眼角高啊, 學識見地收入背景(巴閉啦, 使唔使查埋血統啊, 而家叫你買馬啊.)缺一不可. 不過Amy小姐, 如果有咁樣既學識見地收入背景, 你估我又有無興趣搵一個剩係識歐遊打哥歎世界既女人啊啦! 面就人地俾, 架就自己丟既.

不過我更唔明, 呢位Amy小姐居然會俾做調查個位人兄選出黎做代表, 仲係條件不俗既代表? 而結論竟然會係工時長導致佢地成為剩女? 算罷啦你, 又一個獻醜既傢伙. 有錢唔一定就叫有條件架, 鼠目寸光.

其實, 單身咪單身囉, 無問題架, 只要係出自心中所願, 單身又有咩野問題? 有時候單身理由可以好簡單架咋. 最可憐係個一班抱住不切實際期望既幻想家, 又放唔低虛榮, 又想呢樣想個樣. 呢個其實先係問題所在, 但就唔明做調查個位可以九唔搭八寫一大篇廢話囉.