遊山不玩水 -- 喇嘛島半天自由行 1

隨手翻書找一段容易走的山路, 訓練自己的自由行能耐. (^_^ 這實在是有點多餘, 因為到了晚上才發現, 基於一個人的自由行基本徵費大幅上升, 甚至超過了鴨仔團, 那倒不如這次先靠鴨仔團遊過那些興趣不大的景點, 也熟習一下日本的環境, 然後在下一次, 我就可以直指目的地--函館, 說不定神會安排我在雪祭時起行呢, 那就賺翻了.) 結果選擇了喇嘛島.

喇嘛島的家樂徑只有兩個方向, 由索罟灣向榕樹灣, 或相反的方向而行. 個人喜歡由索罟灣出發, 因可以先去蘆鬚城海灘踩踩水, (^_^ 我不太喜歡洪聖爺灘, 人太多了.) 而今天在向蘆鬚城海灘出發時, 意外發現了這隻小傢伙

隻衰野, 人經過都唔驚

仲大搖大擺, 驚死人唔知佢係貓(而我就企係佢身邊, 野貓黎計佢真係勇者一名.)

以前我剩係影景, 今次精豬啦, 點都整番兩張自拍, 證明我真係黎過先.

覺得自己同舊雲真係完全配合, 混然天成.

其實好矮架咋.

係蘆鬚城休息左陣, 就繼續行程啦, 呢條山路走過好多次啦以前, 不過病之後就係第一次, 亦都可以作為一個指標啦, 如果可以2小時內行完, 咁即係我已經回復番以前既狀態啦. 而結果係點? 下回分解.