一碗飯

上次食到一碗飯既日子係幾時呢? 唔~~~~~十一月頭, 之後, 我再無食超過一碗飯, 出街叫個飯, 六啖一定收手, 面或者粉好少少, 而家已經食到大半個至一個啦.母親大人見我食咁少, 真係頭都痕埋, 但就係用儘方式都無辦法令我食多少.但係今日, 事情終於有突破啦, 而呢個突破, 絕對係神既悉心安排, 而神點樣幫我突破呢個缺口, 就由我娓娓道來啦......

首先我要多謝Auntie, (似唔似一年一度歌手係台上既經典對白呢!) 將番薯同飯混埋一齊食基本上我好少咁做, 得知呢條秘方後, 當然第一時間同媽咪講啦. 第一次媽咪因為無經驗, 衰左 (居然無切到, 原條番薯飯面蒸熟, 暈.). 今次有經驗啦, 再煮已經架輕就熟. 而且, 媽咪今次識搞少少創新, 棄用食開既白米, 改用糙米, 咦, 咬到去幾有口感, 而且, 糙米好似比白米有飯味. 今晚個飯, 一流, 果然, 齊集兩大煮食高手(嘿嘿嘿, 一邊係我媽咪, 點都要抬高佢地位既. ^_^)既創意真係非同小可.

而能夠創出呢個美食神主意, 絕對就只有係背後個位神啦, 唔係佢, 呢一切既element都係散開架, 完全係佢既大能之手, 將呢一盤散沙組合成我今日呢個美味既晚餐, 感謝主, 也感謝兩位疼錫我的長輩. ^_^