站在那一大堆的後遺症的前面

記得以前仲係醫學生既時候, 背誦放射治療既後遺症就好似背三字經咁, 一口氣好似噴晒出來, 至於當中的意義? 也不過是流於理性的認知. 我知道會失去味覺, 我知道會口腔潰爛, 我知道有機會"硬頸", 有機會講唔到野, 有機會...... 但對病人究竟實際既影響有幾大呢? 慚愧, 根本無深究.

今日到自己將要面對啦, 突然有一種茫然既感覺. 幾個星期之後, 我再唔會對食物有味覺, 我唔會知食入去既野係甜係苦, 當冬蔭功同水再無分別, 人生就已經少左一大堆意義. 唯一既好處或者就係唔使再花錢買飲食男女, 同人出去食野唔使再做決定, 亦有非常強而有力既理由拒絕為個d睇落好似幾好味既美食買單.

另一個令人心寒既後遺症就係腫同埋痛, 放射刀照過既地方, 雖然唔會好似燒豬肉咁樣, 但紅腫痛就少不免, 有人既紅腫痛會延伸到成個頭, 連枕落枕頭度都會痛到訓唔到. Oh my god, 我仲打算就算係治療中都仲繼續番工. 食又食唔好, 訓又唔夠訓, 仲要讀書考試番工, 唔~~~~~~ 我都想好似3號仔咁安靜落黎, 係屋企休息, 但手停口停. 算啦, 休息兩日就算啦.

而最後一樣, 亦係最怕人既, 就係brain necrosis (temporal lobe necrosis), :P 唔知人會會變蠢既呢?