要做化療

絕望了, 本來以為可以搏一搏好似妳咁, 唔使脫髮. 今日突然心血來潮, 睇番妳用個兩隻化療藥, 激死, 妳個兩隻藥基本上係唔會導致脫髮. 但我個隻原始到唔恨既CDDP, 脫髮就係必然. \*O*/ 照咁睇, 我都係時候去睇下D假髮啦.

順手又望下, 化療到底要幾錢呢? 一睇, 打個突, 成幾萬蚊? 咪住, 冷靜, cisplatin好似用左好多年囉woo, 我仲讀書個陣都已經成日見班大佬開呢隻野啦. 去搵下藥物名冊, yeah, 自己嚇自己. 好似cisplatin呢類毒到阿媽都唔認得既藥, 仲要收幾皮野, 咁同貼錢買難受有咩野分別?

有朋友可能會問, 係唔係一定要化療? 係, 以我半桶水既能力, 聽完醫生講, 都知道化療走唔甩, 因為我隨時係個一種隱形既末期病人, 醫生唔敢搏, 所以搵我去搏, 打多幾支化療針唔一定死, 但唔打隨時真係會死. 唔~~~~ 算啦, 無所謂啦, 你要搵我試藥又好, 點都好, 基本上我都會做, (除左叫我貼錢買難受) 我的壽數如何, 主自有祂的時間, 反正死同唔死, 我都欣喜.