咦, 今日無嘔woo

事件1 第一針化療

打左cisplatin 74mg, 無嘔無痹, 第一日, ok woo!!! ^_^

事件2 pat pat 痕事件

IV desamethasone 打完之後完來係會pat pat痕, 好似俾蟻咬咁架, 哈哈, 咁有趣既野以前我居然唔知既?

事件3 第一次電療

打個2Gray野, 完全無難度囉. ^_^ 人生得意需盡歡, 得寸嘴時且寸嘴. ^_^

另附上昨天偷懶沒有上傳過來的治療前一天的事件簿:

事件1 重遇急先鋒

今日見番第一次睇我個位吳醫生, 同上次一樣, 充滿朝氣, 講野依舊快到唔使換氣就可以講晒一大段野. 依然令病人重拾戰爭的勇氣及得勝的期望. 我覺得呢類醫生比學富五車既教授級顧問醫生更值得病人愛戴, 始終病人打仗, 靠既係本身既意志, 激勵佢地既士氣係成功既第一步. 你係某科既權威又點姐, 不過係paper寫得叻, 關我忍事咩.

事件2 驗血結果一切正常, 可以如期化療

完全係意料之內既事, 基本上我係好人好野一個架, 假如無呢個什麼鼻咽癌既話. 行得走得打得既我, 化療當然無難道啦.(呢個牙斬斬既物體係未開始化療既我, 又睇下開始左之後係唔係仲可以咁寸嘴先. )

事件3 邊個話體重增加一定係壞事架

都係第一次聽一個死肥仔體重增加左會俾人讚架. :P 但唔使擔心, 實會好似個股市咁, 先升後回軟架. 電療化療一齊上, 想肥都幾難. 又慳番唔使俾一大舊 California.