隨著今天的太陽的落下, 這一個緊張的星期終於過去了. 所有的治療前準備都放在這個星期, 約見牙醫, 照CT做設計, 照MRI, 本黎如果只係做呢幾樣既話, 時間都好充裕. 但偏偏, 九月要做CONSO, 又要趕BUDGET, 之前因為做BUDGET被逼壓後既野又要係呢個星期清晒佢. 結果搏晒老命都係要遲左兩日.希望阿姐唔好見怪啦.
今日做埋MRI, 就可以停一停, 到下個禮拜等埋CHEMO個ACCESSMENT就得啦. 我諗, 個陣都會同我講埋我到底係第幾期囉. 依書黎睇, 如果MRI無話食到骨或者鼻竇, 又唔見有遠端轉移既, 最多都係第三期既姐, 好運粒核唔夠6cm既話就不過係第二期. 講開MRI, 原來都真係幾得意, 好似將自己放入一部無水既洗衣機; 個一陣陣摩打聲, 令人昏昏欲睡, 我今日好似都釣左三次魚, ^_^ 唔知有無影響畫面素質呢?
做完MRI, 發覺仲有時間, 哈哈, 辛苦左咁多日, 決定偷番半日懶, (我尋日番左4小時工都無同公司計, ^_^) 走去探下WILLY, 妳講得無錯, 癌症絕對係上帝既恩典, 就因為時間真係唔多, 好多以為可以遲D做既野, 都被逼要而家做啦. 同家人關係真係有微妙既改變啦, 同朋友聯絡多番啦, 個人更加珍惜左時間去儘可能做多些少有意義既事啦.
聽日就係中秋節啦, WILLY, 我會一早黎探妳架, 我相信妳父母都會黎, 妳今年陪唔到佢地啦, 但妳放心啦, 我只要仲在生, 都會時常去睇下佢地架. ^_^ 反正, 我而家住得好近佢地.
沒有留言:
張貼留言