阿拉廚房小聚

同多年朋友仔約係阿拉廚房小聚. 諗番轉頭, 多年友情實屬難得, 最重要係, 呢個真係兩胁插刀個一種朋友黎架. 多年黎有咩野事總係義無反顧咁幫忙, 講真, 朋友多故然好, 但就算少, 有一兩個知心既就好足夠啦.

今日係星期日, 青衣城間間食市都爆晒, 呢度都唔例外, 但係我就唔覺得太嘈, 仲可以傾到計, 唔錯.

兩個人叫左四樣野, 埋單都係二百蚊, 但就食到兩個人飽晒, 真係抵到爛.

銀絲卷, 基本上係必須要有架.

蟹肉豆腐, 個人覺得個獻太濃. ^_^ 無計, 無口水係咁.

呢個素菜好啱我口味, yummi!

有時候我覺得, 可以好輕鬆咁同朋友聚下, 真係一種福份, 有時候, 人太過追求自我滿足, 真係會忘記同忽略左好多神一早擺放係身邊既一切.

^_^ 講開神放係身邊既重要客戶, 都係時候同屋企個位重要客戶傾傾計啦, 呢段日子以來, 真係辛苦晒老媽子忙忙碌碌咁照顧自己. ^_^