解讀報告

今日到醫院睇報告, 本以為無兩個鐘都唔到我, 實情係, 咦? 半個鐘就到, 好野.

一入去, 見到呢位醫生, 嗯......係一個以前俾我印象非常一般既醫生, 再望下佢台頭, 我個病歷呢? 唔係呱, 見病人之前少少preparation都唔做? 好啦, 到我坐低, 佢先慢慢開電腦睇, 醫生一貫既作風, 睇電腦個陣係一句聲都唔出架, 睇睇下又搖搖個頭, 不過依然一句野都唔講, (大佬, 在你黎講係一份工, 在我黎講係決定生死架, 剩係搖頭即係點? 顧下我感受好woo.)

"唔~~~~~~~ 見到唔係好平滑, 但有可能係電療影響......" 終於開口啦, 咁講即係唔係100%滿意啦, 不過ok, 總比話你知你個抽組織報告肥左好既.(但到而家其實佢都係無咩野意慾話我知我最關心個樣野究竟如何架.)以為佢會繼續講, 誰知佢突然停左, 然後就做左少少檢查. 跟住先同我講, 想兩個月後做多次內視鏡. 做囉, 合理, 有懷疑就做啦.(但我其實更疑惑, 點解唔索性抽多次組織? 有懷疑個位做多次, 唔係好些少咩? 死同俾你鉗少少組織, 我諗我未至於唔識揀囉.)東搞西搞, 完晒所有野啦, 先同我講, 之前兩次組織報告無問題. good, 即係至少我有兩個月係正常人啦. ( ^_^ 安排係四月廿二做內視鏡, 係呢段期間, 如果唔好彩唔平個位真係有事, 我都唔會知架. 而做完內視鏡再覆診係五月既事啦, 即係話, 有事都已經係三個月後先知既野啦.不過, 梗係要求主保守啦. 我點都算係主既好兒子呱, 敗家仔都係仔啊.)

但係, 呢段期間, 我係唔係應該做些少野instead of 等呢? 例如, 去番見我既耳鼻喉科醫生, 等佢做判斷呢? 不過, 如果又照鏡又抽組織, 就又五千蚊, 唔...... 唔知公司個醫療plan包唔包既呢今次.