醫學發展的受惠者

睇番尹志強既事件, 實在慶幸自己係係2009年發現有鼻咽癌而唔係係1989年, 今日既我, 基本上恢復大部份味覺, 雖然回恢不過係三至四成左右. 口水分泌仲係無, 但有信心一定會恢復. 以今日既醫學去睇番以前, 實在好難想像, 治療後十八年來口部都長有肉芽係幾咁令人沮喪同可怕的一件事, (係早一個月, 我都試過只要食少少硬野或者係熱野, 軟鄂位即刻生一粒肉芽出黎, 一粒我都覺得難受, 唔好話生到成口都係. 今日一邊睇新聞, 一邊諗, 如果治療一期既劑量都可以令到人咁既話, 對於二(即係我個CASE), 三, 甚至係四前期既患者, 實在難以想像會係點樣可怕既地獄生活. 唔怪得楊牧係"再生情緣"度話有一位婆婆最後沒有撐下整個療程(楊牧和尹志強是同年患上鼻咽癌的). 事實上, 如果今天的治療都能令我有一段短時間活得相當痛苦的話, 那麼, 他們那個年代的會是如何的一種痛苦, 也許, 我是窮一生的精力都難以想像得來.

比較近期的技術甚至已發展至繞開口水線, 使得副作用進一步的減輕. 人始終都是有著無限可能的, 可以預期的是, 也許有這樣的一天, 今天認為是沒有希望的四後期, 到了那樣的一天, 也許就如今天治癒傷風一般容易. 但對於未能受惠的一群, 在為以後的人感到高興時, 難免亦有一份隱然的悲涼.