簡單新聞報告

報告一
星期六晚上十時就睡覺, 一直睡到明天的九時, 睡眠素質--優.

報告二
星期日晚上九時就睡覺(:P 一天比一天早), 一直睡到星期一的上午八時三十分. :P 連治療都遲了廿分鐘才開始. (不知怎的, 最近兩次的電療都安排在上午九時, 嘩~~~~~~ 比上班還要辛苦. 大哥, 我可是一個標準的病人啊.)

報告三
該如何形容自己的身體呢? 我終於想到了, 就是一塊就斷氣的手機電池, 就算"叉"足一晚電, 結果都係用唔到半日, :D, 而家去完醫院做完個電療再落番黎, 都已經無左一半電, 如果番埋工, 頂多撐多兩粒鐘就"謝"晒. 不過我都唔知呢個係電療定係化療造成既影響.

報告四
尋日一時無帶個袋出街, 結果俾阿媽搜左個牙膠出黎, 紙最終都係包唔住火架. 結果只好坦白從寛. 有時都覺得神o既timing真係唔錯, 我其實真係唔知點同佢講, 要點樣鋪排, 點樣開口, 先無咁大刺激呢. (當然啦, 有時呢個係拖住件事既理由黎o既姐) 而家唔使煩啦, 咩野都揚晒出黎啦. 只好將自己已經接受緊電療同化療既事和盤托出. 不過係期間我都儘量避開個癌字, 希望傷害細些少啦. 但係阿媽知道要做治療之後依然顯得好擔心, 甚至難以入睡. 唉, 呢個就係最唔好既情況啦, 亦係我最唔想講件事出黎既原因. 知母莫若子, 一早知會係咁架啦, 無計啦, 又只好將一切交俾主解決啦.

報告五
好耐無同媽咪飲茶, 今日治療完後, 決定唔番工, 去同媽咪聚下天倫. 而家去飲茶已經唔似以前啦, 原因有二, 首先, 媽咪禁左我食好多野, 蝦餃? 無可能, 連皮都唔得. 鳳爪? 諗都唔好諗. 燒腩仔? 想死咪食囉. :P 結果, 今日剩係食左籠排骨, 一籠馬拉糕, 一碟菜, 一件鮮竹卷同埋三小碗粥. 而另一個唔同晒既原因就要歸功於電療啦. 我發覺我而家食野個陣, 食物既味道已經變得好怪. 之前話食肉已無味, 而家又衰多兩錢重啦, 食菜有怪味. 最慘一樣係, 個口唔飲水就會干, 飲就會變苦. -_-!!! 以前我唔知咩野叫嚼蠟, 而家我知啦, 大家可以諗下, 食咩野都好似嚼緊舊嚼有好耐, 無晒味既香口膠咁既時候, 真係咩野胃口都無晒.

講開胃口, 最近發覺個胃開始耍我啦, 食好少野就投訴飽. 如果你信佢, 咁就領野啦, 因為唔使兩個鐘, 佢就會投訴餓架啦. 所以我而家一於唔理佢, 堅持食晒我認為要食既份量. 不過, 係個胃不停咁大叫飽啊飽啊既時候你仲係咁"質"佢食, 其實都幾拿命. -_-!!!最後受既咪又係我......

^O^ 嘩, 又話係簡報既, 搞咩鬼寫左咁鬼多野.