鹹

今日食所有野都覺得係鹹架, 水係鹹架, 茶係鹹架, 連茶餐廳凍檸茶都係鹹架(:O 有無搞錯!!!). 就算唔飲唔食, 個口依然都係鹹架. 不過我知道其實個口都唔想咁樣, 只係因為其他味蕾非死即傷, 再加上呢個主人不停咁用各種味道去試驗佢, 應付唔到既情況下只好hang機, 不停咁發出鹹既訊號耍住我呢個老細先.

今朝發覺手指同腳有麻痺既感覺. Peripheral neuropathy, cisplatin既其中一種副作用. 計落都第三針啦, 有輕微既副作用不足為奇囉. 至少都未影響到生活. (有病友話佢地既手指係麻到拿唔到野架. 所以, 我叫好好彩個隻啦.)