懶左成兩個月無番教會, 眼見自己已由靈裡破爛完全進化成靈裡腐爛, 再咁落去, 好快就會靈裡潰爛, 既然今日一個上晝翻山過海遠征都無問題, 由青衣揮軍荃灣應該根本毫無難度. 咁, 就再無借口唔去教會參加祟拜啦, 而且, 係呢個已經全無quality可言既物質世界苟活, 實在需要一點點的靈性鹽水吊吊命.
之前一篇講到食既網誌提過, 當甜柑永遠唔可能再係甜柑既時候, 係我既世界就只有酸同苦. 但原來, 我發覺, 我仲有鹹呢個味道未去試架(其實仲有辣, 但因我本身唔好, 而且, 無左甜既制衡, 辣只會好似一隻脫彊既坦克車係我體內亂咁破壞, 無理由搵自己老襯架?)聽日一於試下去食拉麵, 順便試幾舊壽司, 上帝保佑, 要食到鹹味.
沒有留言:
張貼留言